Kite, masyarakat yang idop di sepanjang aliran ayakh Ugan pasti dekde asing lagi gok ikan buntal. Di kalangan penangkap ikan ade yang nyebut ikan ini ikan buntek, ikan buntel,atau loi. Kalu kamu bilang uhang galak njale atau lenggian di Ugan, mungkin pernah hule buntal. Biasenye kalu buntal kene jale atau masok lenggian pasti dijadikan maenan uleh budak-budak kecek dengan care nggusok-nggusokkan badan buntal ke batu atau semen make busongnye ngembong (base Ugannye mbuntak). Tau dekde kamu bilang uhang kalu mbuntakkan badan tu adelah care buntal mempertahankan dihi ndai serangan predator. Di dalam ayakh buntal pacak mbuntakkan badannye dengan care ngisap ayakh ke busongnye make kinakan besak, sedang kalu di dahat ikan ini mbuntakkan badannye dengan care ngisap udara make pacak ngembong. Dengan care mbuntakkan busong si buntal pacak mbudikan predator make keliatan lebeh besak ndai ukuran aslinye.

Ikan buntal yang name latinnye Tetraodontidae idop di sungai wan di laut. Tetra retinye empat, odont retinye gigi. Ikan ini memang punye due pasang (empat) gigi ye kuat dan tajam. Dengan sepasang gigi ye tajam ini buntal pacak mutoskan tali uhat jale/lenggian dengan gigitannye. Ati-ati kalu kamu bilang uhang nak macolkan pancing ndia mulut buntal, gigitannye pacak ngelukai jahi.

Mungkin kamu bulang uhang pernah nganing berite kalu di Jepang 10-20 uhang kehacunan buntal atau yang kerap disebut Fugu dalam tiap taon. Hacun buntal yang dalam dunie ilmu pengetahuan disebot tetrodotoksin pacak nyebabkan kematian dalam 24 jam sesudeh hacun tetelan. Gejala kehacunan buntal antare laen kesemutan di biber wan lidah, hase kaku di muke, ngeluakh keringat, mual, muntah, dan diare dibarengi hase nyeri di busong. Tetrodotoksin pacak nyebabkan kematian karne hacun ini pacak melumpohkan otot penafasan. Fakta yang lebih seram adelah hacun ikan buntal 100 kali lebih mematikan ndai hacun sianida. Dosis letal (mematikan) adelah 8 mikro gram per kilogram behat badan. Dengan perhitongan ini sijat buntal pacak mbunoh 30 uhang dewasa. Di kalangan jeme Ugan diwek ade ujar-ujar “bulat buntak lok buntal” untok ngumongkan jeme ye badannye bungok pandak. Inilah uniknye ikan buntal biar mematikan tapi maseh dijadikan bahan wawean.

Ditulis oleh Aprie DeBollonk

Dari Berbagai Sumber

Baturaja

ayakh Ugan fugu ikan buntal sungai Ogan tetradotoksin tetraodontidae